என்எழுத்து எப்பொழுதும்!

அணிதிரளும் வார்த்தைகளை
அழகுத் தமிழாக்கி;இங்கு 
மணி மணியாய் எதிரொலிக்க
மனந் திறந்து எழுகின்றேன்:

திணிப்பதில்லை நாம் எதையும்;
தெளிவோடு மானு டத்தின்

பிணியான பிசகை எல்லாம்

பெயர்த்தெறியத் துடிக் கின்றேன்!

தரம் மிகுந்த எண்ணத்தில்

தடம் பதித்த சிந்தனைகள்;

உரம் மிகுந்த எழுத்துக்களில்

உணர்வோடு நிமிர்ந் திருக்கும்!

தேன் எடுக்கும் ஈக்களுக்கு

தேமதுரச் சோலை என

நான் படைக்கும் எழுத்துக்கள்

நலம் பயக்கும் கருத்துக்கள்!

’பா’மரம்தான்: காய்க் கின்றது!

பாய்மரம்தான்: விரிக்கின்றது!

தீமைகளை எதிர்க் கின்றது;

தேசமிதன் நலன் கருதி!

ஞானமுள்ளோர் உணர் கின்றார்:

நல்லன்பு பொழி கின்றார்

நானதிலே நனை கின்றேன்:

நட்புறவை வளர்க் கின்றேன்!

இலக்கோடு எழுது வதே

இலக்கியமாய் நிலைத் திருக்கும்;

இலக்கில்லா எழுத் துக்கள்

இப்பொழுதே தொலைந்து விடும்:

தொலைப்பதற்கே எழுதி டுவோர்;

தோழமையை மறுக் கின்றேன்:

தொலைதூரப் பார்வை யுடன்

தொடர்வோரை அழைக் கின்றேன்!

வாருங்கள் தோழர் எலாம்

வாழ்வி யலின் மேன்மைகளைச்

சாருங்கள்; தமிழி யலின்

சான்றாண்மை பகர்ந் திடுவீர்!!

துணிவுடனே எழுது வதில்;

தோற்பதில்லை ஒரு பொழுதும்!

இணையத்தில் இறு மாப்பில்

என்எழுத்து எப் பொழுதும்!

இவண்-

கிருஷ்ணன்பாலா

9.8.2012