வருக, எந்தன் முக நூலில்!

வருக எந்தன் முகநூலில் ;

வாருங்கள் நண்பர்களே!

தருக;உங்கள் கருத்துக்களைத்

தமிழில் தாருங்களே!

புத்தம்புதிய பதிவுகளை;ஒரு

புதுமையின் வடிவ மென;

நித்தமும் இங்குஎழுதுகிறேன்;

நீதியைக் கூறுகின் றேன்!

சாதி மதங்களைச் சாடுகிறேன்;

சத்தியம் பேசுகின் றேன்;

வேத நெறிகளை நாடுவதில்;வீண்

வேட்கையை வீழ்த்து கிறேன்!

மானுடம் யாதெனப் பாடுகிறேன்;

மக்களுக் கோது கின்றேன்;

நானொரு மானுடன் என்பதற்கே

நல்லதைத் தேடு கின்றேன்!

பண்புடன் நல்ல பக்குவம்கூட்டிப்

பதிவுகள் செய் வதினால்;

நண்பர்கள் நல்லவர் நாடுகின்றார்;

நற்றமிழ் போற்றுகின்றார்!

தேசநலத்துடன் நம்மொழியில்

தேர்ச்சி மிகுந்தவரும்;மெய்

நேசம் மிகுந்து பண்பாட்டின்

நீதியை உணர்ந் தவரும்

வேதநெறிகளை ஆய்பவரும்;பல

வித்தை தெரிந் தவரும்

மேதமையோ டென் எழுத்துக்களை

மெச்சி மகிழு கின்றார்!

’நல்லவர் யாவரும்வாரும்’ என

நட்பை விரிக் கின்றேன்;

எல்லை யில்லாதொரு நட்புவட்டம்

எண்ணி அழைக் கின்றேன்!

வீணுரை;வெற்றுரை ஏதுமில்லா
விஷயங் கள்பேசு தற்குப்
பேணிடும் நல்ல நட்பு வட்டம்
பெருக்கிட வேண்டு மென்றால்-

வாருங்கள் நண்பரே வாரும் என

வந்தனம் கூறு கின்றேன்;

சேருங்கள்;எந்தன் முகநூலில்;நல்ல

செந்தமிழ் சொந்த மென்றே!

நட்புடன்,

கிருஷ்ணன் பாலா

30.12.2010